Ola son Yasmina, unha alumna do colexio de Portas pero tamén me podedes chamar Helena de Troia.

Na mitoloxía grega era a muller mais fermosa de Grecia, filla de Zeus e de Leda, muller de Tindáreo, rei de Esparta. Cando era rapaza foi raptada por Teseo, quen esperou un tempo para casarse con ela pero iso non foi posible xa que a rescataron Cástor e Pólux.

A sua fermosura foi causa da famosa guerra de Troia. Esta guerra de dez anos comezou cando as tres deusas Hera, Afrodita e Atenea lle pediron a Paris que elixira á mais fermosa das tres. Todas fixeron o posible para seren as elixidas pero finalmente Paris outorgoulle a mazá de ouro a Afrodita xa que esta lle prometera que tería o amor dunha muller de insuperable beleza. A muller que Afrodita lle prometera era Helena pero había un problema: ela estaba casada con Menelao, rei de Esparta.

Helena vivía feliz co seu home pero Afrodita fixo unha especie de feitizo que fixo que Helena marchara con Paris para Troia. Despois de que isto sucedera, Menelao foi en busca de Helena coa axuda de capitáns e reis de toda Grecia.

Durante nove anos de conflito sen solución, Helena sentouse a facer un tear no palacio de Troia tecendo un tapiz coa sua historia. Entón Paris e Menelao decidiron facer combate entre os exércitos e Helena foi citada para asistir ao duelo. Cando ela se aproximaba a torre, onde o anciá rei Príamo e os seus capitáns estaban sentados, a sua beleza era inda tan incomparable e sua pena tan grande que ninguén puido sentir por ela máis que compaixón.

Cando os gregos xa crian que a vitoria era de Menelao, Afrodita axudou a Paris a escapar do enfurecido contendente envolvéndoo nunha nube e poñéndoo a salvo na cámara de Helena, onde esta o consoou.

Despois da caída de Troia, Menelao reuniuse coa sua muller e os dous saíron de Troia ata Grecia. Sen embargo, desgustaran os deuses e, por tanto, varias tormentas arrastráronos de unha a outra costa do Mediterráneo, polo que deberon deterse en Chipre, Fenicia y Exipto. Ó chegar a Esparta, Menelao e Helena retomaron seu reinado e viviron unha situación de esplendor o resto dos seus días. Tiveron unha filla á que lle chamaron Hermíone.